Í þessu námskeiði verður ferlið frá hugmynd til framkvæmdar skoðað í tengslum við frumkvöðlastarf og listsköpun. Námskeiðið býður nemendum að þróa eigin hugmyndir og læra leiðir til að koma þeim í framkvæmd. Tekin verða dæmi af ólíkum frumkvöðlum og verkefnum þeirra og verkferlar greindir. Farið verður yfir mikilvægi þess að gera áætlanir og nemendur læra að draga upp verkefnalýsingar og fjárhagsáætlanir. Undirstöðuatriði í viðskiptaáætlunum verða kennd ásamt leiðum í fjármögnunarferlum.

Verkefnavinna byggir á að nemendur framkvæmi eigin hugmyndir undir leiðsögn.

Tilgangur námskeiðsins er að efla sjálstraust nemenda til að framkvæma hugmyndir sínar og örva þá til að hugsa að tækifærum til nýsköpunar í víðum skilningi. Nemendur læra að greina styrkleika og veikleiga og setja verkefni sín í samhengi við fjármögnunarleiðir sem færar eru.

Þekking

• Þekkja helstu atriði þróunar- og framkvæmdaferils
• Þekkja frumkvöðlahugtakið og ólíkar myndir þess
• Skilja þau verkfæri sem notuð eru við framkvæmdir hugmynda

Leikni

• Geta greint tækifæri fyrir nýjar hugmyndir
• Geta sett saman trúverðugar verk-, fjárhags- og fjármögnunaráætlanir
• Geta þróað teymi til að koma hugmyndum í framkvæmd

Hæfni

• Geta þróað og framkvæmt eigin hugmynd (viðskipaáætlun, styrkumsókn, listafurð, listviðburð eða annað sambærilegt).
• Geta gert grein fyrir hvaða aðferðarfræði, fagþekking, eða hvaða nálgun er nýtt við gerð verkefnis.
• Geta gert grein fyrir verkferlum og framleiðsluháttum við gerð verkefnis.